නැව් අනතුරෙන් පස්සේ මාළු කන අය දැනගත යුතු කතාවක් – අපද්‍රව්‍ය හා මියගිය මසුන් කළුතර සිට මිගමුව දක්වා වෙරළට

එක්ස්ප්‍රස් පර්ල් නෞකාවේ ගින්න ඇති වු කලාපයේ ධිවර කටයුතු අත්හිටුවා ඇති බව ධිවර රාජ්‍ය අමාත්‍යවරයා පවසයි.

රාජ්‍ය අමාත්‍යවරයා වැඩිදුරටත් සඳහන් කළේ දෛනික ආදායම අහිමි වන ගම්පහ සහ කොළඹ දිස්ත්‍රික්කවල ධිවරයිනට සහන වැඩපිළිවෙලක් සකස් කරන බවයි.කොළඹ වරායට නුදුරු සාගරයේ දී ගිනි ගැනීමකට ලක් වූ රාසයනික ද්‍රව්‍ය ප්‍රවාහනය කරන නෞකාවේ තිබූ ද්‍රව්‍ය බොහෝමයක් මේ වන විට සාගරයට මුසුව තිබේ.

මෙලෙස මුසු වූ ද්‍රව්‍ය මේ වන විට මීගමුව වෙරළ කලාපයට ගොඩ ගසා ඇති අතර ඒවා ඉවත් කිරීමේ කටයුතු මේ වන විටත් ආරම්භ කර තිබේ.ෙ

මෙම අනතුරින් පසුව මුහුදු මාළු පරිභෝජනය කරන පිරිස් අතර මෙම මාළුන් ආහාරයට ගැනීමට සුදුසුද යන්න පිළිබඳව ගැටලුවක් ඇතිව තිබෙන අතර ඒ සම්බන්ධව නාරා ආයතනයේ ජ්‍යේෂ්ඨ විද්‍යාඥ ආචාර්ය දීප්ත අමරතුංග මහතා විසින් කරුණු පැහැදිළි කිරීමක් කර තිබේ‍ෙ

එහිදි ඒ මහතා සඳහන් කර සිටියේ මෙම නෞකාව ගිනි ගන්නා බව දැනගත් වාහම ධීවර දෙපාර්තුමේන්තුව මඟින් එම අනතුර සිදු වු සාගර කලාපය තුළ මසුන් ඇල්ලීම නවතා දැමීමට කටයුතු කළ බවයි

එමෙන්ම එම ප්‍රදේශය තුළ කිසිදු ධීවරයෙක් මසුන් ඇල්ලීම සඳහා නොයන නිසා එම ප්‍රදේශයේ මසුන් මත්ස්‍යය වෙළෙඳපොළට නිකුත් නොකරන බවද පැවසූ ආචාර්ය දීප්ත අමරතුංග මහතා වැඩිදුරටත් සඳහන් කර සිටියේ මෙම අවස්ථාවේ මත්ස්‍ය වෙළෙඳපොළ තුළ ඇති මසුන් පරිභෝජනයට ගැනීමට කිසිදු බියක් ඇතිකර ගත යුතු නොමැති බවයි.

මත්ස්‍යයින් යනු pH අගයට ඉතාමත් සංවේදී ජීවි කොට්ඨාසයක් බවත් එබැවින් මෙම නෞකා අනතුරින් පසුව මසුන් මෙම කලාපයෙන් ඉවත්ව යන බවත් ඒ හේතුවෙන් මසුන් හට මෙහි බලපෑමක් ඇති වීමට ඉඩ නොමැති බවද ඔහු සඳහන් කළේය.

කෙසේ වෙතත් ආහාර දාමයේ ප්‍රාථමික පුරුක් වන පයිතෝප්ලැන්ක්ටන් (phytoplankton) සහ සූප්ලැන්ක්ටන් (zooplankton) වැනි ප්‍රාථමික පුරුක්වලට හානි දායක විය හැකි බවත් කුඩා මාළු පැටව්න් වන ඉච්තියොප්ලැන්ක්ටන් (Ichthyoplankton) වැනි ජීවින් මිය යා හැකි බවත් ජ්‍යේෂ්ඨ විද්‍යාඥ ආචාර්ය දීප්ත අමරතුංග මහතා සඳහන් කළේය.

එහිදී ඔහු අනතුරු අඟවා සිටියේ අනාගතය තුළ එම සාගර කලාපය තුළ මත්ස්‍ය අස්වැන්න අඩුවීමේ අවදානමක් පවතින බවයි.

ඔහු මේ බව සඳහන් කර සිටියේ රූපවාහිනී වැඩසටහනකට අදහස් දක්වමිනි.

Next Post

බත් කවමින් සිටි අම්මා මදි අඩුපාඩු ගේන්න ගිය කල අවුරුදු එක හමාරේ සිගිති පුතුට අත් වූ සංවේදී ඉරණම

Fri May 28 , 2021
ගලේවෙල දීග්ගල ප්‍රදේශයේ නිවසක් පිටු පිටුපස තිබූ වතුර මුට්ටියකට ඇද වැටී වයස අවුරුදු එක හමාරක් වූ කුඩා පිරිමි දරුවෙකු 28 දින පස්වරුවේ දියේ ගිලී මි_ය ගොස් ඇතැයි ගලේවෙල පොලිසිය කියයි.  මෙසේ මි_යගොස් ඇත්තේ  ගලේවෙල දිග්ගල ප්‍රදේශයේ පදිංචි සහන් යෝෂිත නැමැති වයස අවුරුදු එකහමාරක් වූ සි_ඟිති දරුවෙකි.  ඉතා දිළිඳු  පවුලක  ජීවත් […]

තවත් මෙවැනිම පුවත්..........

Breaking News