මිනුවන්ගොඩ කර්මාන්ත ශාලාවේ 69කට කොවිඩ් – නිරෝධායන මධ්‍යස්ථාන වල ඉඩ නෑ – ගාමන්ට් එකේම නිරෝධනයට

මිනුවන්ගොඩ කර්මාන්ත ශාලාවේ සේවක සේවිකාවන් 69කට කොරෝනා වෛරසය ආසාදනය වී තිබේ.

දිවුලපිටියේ කොවිඩ් ආසාදිත කාන්තාව සේවය කළ ඇඟලුම් කර්මාන්ත ශාලාවේ සේවකයින්ගේ P.C.R පරීක්ෂණ සඳහා ජෛව සාම්පල ලබාගැනීම අද (05) උදෑසන ආරම්භ කර ඇත.

ඒ අනුව, කර්මාන්තශාලාවේ කාර්ය මණ්ඩලය ඇතුළු සියලුම සේවකයින්ගේ පරීක්ෂණ කටයුතු අද දිනය (05) තුළ සිදුකරන බව මහජන සෞඛ්‍ය පරීක්ෂක සුසන්ත රත්නායක මහතා සඳහන් කරනවා.

මෙම කර්මාන්ත ශාලාවේ 1400කට අධික සේවකයින්ගේ පීසීආර් පරීක්ෂණ කරනු ලබනවා.

මෙහිදී නිවෙස්වලට ගොස් නිරෝධායනය වෙමින් සිටින අය මෙම ස්ථානයට ගෙනැවිත් කොටස් වශයෙන් P.C.R පරීක්ෂණ සිදුකරනු ලබනවා.

අනතුරුව ඔවුන්ව ආරක්ෂිතව නිවෙස් නිරෝධායනය සඳහා නිවසටම රැගෙන යාම සිදුකරනු ලැබීමට නියමිතයි.

කොවිඩ් ​වයිරසය ආසාදනය වූ සේවිකාව සමග සේවය කළ කාර්ය මණ්ඩලයේ දෙසිය හැත්තෑ දෙනකු මිනුවන්ගොඩ පිහිටි ඇඟලුම් කම්හලේදීම නිරෝධායන මධ්‍යස්ථානයක් ලෙසින් ඊයේ (04 වැනිදා) රාත්‍රිය වන විට නිරෝධායනයට යොමු කර ඇත.

නිරෝධායන මධ්‍යස්ථාන 76ක් තුළ අවශ්‍ය ප්‍රමාණය ඉක්මවා විදෙස් රටවලින් පැමිණි පිරිස් නිරෝධායනය වන නිසා කොවිඩ් මධ්‍යස්ථානයක් ආරම්භ කරන තුරු මෙම පියවර ගෙන ඇත. දැනට නිරෝධායන මධ්‍යස්ථානවල 7039ක් නිරෝධායනයට ලක් කර ඇත.

Next Post

ලොක්ඩවුන් බියකින් භාණ්ඩ එක්රැස් කෙරේ - වෙළෙඳසල්වල සහල් හිඟයක් - හමුදාපතිගෙන් මහජනයාට විශේෂ ඉල්ලීමක්

Mon Oct 5 , 2020
දිවුලපිටිය ප්‍රදේශයේ පදිංචි කාන්තාවකට කොවිඩ්-19 රෝගය වැළඳී ඇතැයි තහවුරු වීමත් සමග මහ ජනතාව අත්‍යවශ්‍ය භාණ්ඩ එක්රැස් කිරීමට යුහුසුළු වන ආකාරයක් වෙළෙඳසල් ආශ්‍රිතව දක්නට ලැබේ. අප වාර්තාකරුවන් පැවසුවේ, සුපිරි වෙළෙඳ සල් සහ ඉන්ධන පිරවුම් හල් ආශ්‍රිතව මෙම තත්ත්වය වැඩි වශයෙන් දක්නට ලැබුණු බවය. මේ අතර, බොහෝ වෙළෙඳ සල්වල සහල් හිඟයක් පවතින […]

Breaking News