වසංගත රෝගයෙන් දරුවන් රැක ගැනීම සඳහා උපදෙස් – ශ්‍රී ලංකා ළමා රෝග විශේෂඥ වෛද්‍යවරුන්ගේ සංගමය නිවේදනය

වසංගත තුන්වෙනි රැල්ලත් සමඟ දරුවන් සෑහෙන සංඛ්‍යාවක් ද එම රෝගී තත්ත්වයට මුහුණ දී ඇතැයි පවුල් සෞඛ්‍ය සේවා කාර්යාංශය හා ශ්‍රී ලංකා ළමා රෝග විශේෂඥ වෛද්‍යවරුන්ගේ සංගමය නිවේදනයක් නිකුත් කරමින් පවසයි.

වැඩිහිටියන්ට සාපේක්ෂව වසංගත වැළඳීමේ හැකියාව දරුවන්ට අඩු නමුත් ඕනෑම දරුවකුට මෙම රෝගය වැළඳිය හැකි බවද එම නිවේදනයේ දැක්වෙයි.

ඔවුන් නිකුත් කළ නිවේදනය

බොහෝ දරුවන් රෝග ලක්ෂණ පෙන්නුම් නොකරන අතර, තවත් බහුතරයක් මද රෝග ලක්ෂණ පෙන්නුම් කරයි. නමුත් දරුවන් ද උග්‍ර වසංගත රෝග තත්ත්වයකට පත්වී අසාධ්‍ය විය හැකි අතර සංකූලතා සහ ම_රණ පවා ඇතිවිය හැකිය. පෙනහලු රෝග, හෘද රෝග, වකුගඩු රෝග, අක්මා රෝග, පිළිකා, වෙනත් නිදන්ගත රෝග වලින් පෙළෙන සහ ප්‍රතිශක්තිකරණ පද්ධතියේ දුර්වලතා සහිත දරුවන් හට අවදානම වැඩිය.

සමහර දරුවන්ට වසංගත රෝගය හා සබැඳිව බහු ඉන්ද්‍රීය අකර්මණ්‍යතා තත්ත්වය ද ඇති විය හැක. මෙම තත්වය ඇති වන්නේ ඇයිද කියා තාමත් නොදනී. මෙයින්ද දරුවා අසාධ්‍ය විය හැකියි. බොහෝ දෙනා සුවවේ. ඇතැම් විට මාරා_න්තිකයි.මේ නිසා දරුවන්ට වසංගත රෝගය ඇතිවීම වළක්වා ගැනීම දෙමාපියන්ගේ සහ සියලු වැඩිහිටියන්ගේ වගකීම වේ.

සෞඛ්‍ය අමාත්‍යංශයේ, පවුල් සෞඛ්‍ය කාර්යාංශය සහ ශ්‍රී ලංකා ළමා රෝග විශේෂඥ වෛද්‍යවරුන්ගේ සංගමය දෙමාපියන්ගෙන් සහ අනෙකුත් ජනතාවගෙන් පහත උපදෙස් පිළිබඳව අවධානය යොමුකොට ඒවා අනුගමනය කිරීමට මෙයින් ඉල්ලා සිටිනු ලැබේ.

දරුවන් අනවශ්‍ය ලෙස නිවසින් පිටතට රැගෙන යාමෙන් වළකින්න.

අනවශ්‍ය ගමන් බිමන් සඳහා දරුවන් සහභාගී කර නොගන්න.

අවුරුදු දෙකට වැඩි සෑම දරුවකුටම මුව ආවරණ පැළඳීම අත්‍යවශ්‍යයි.

අවුරුදු දෙකට අඩු දරුවන් අනෙකුත් පුද්ගලයින්ගෙන් ඈත්කර තබා ගන්න. සිප ගැනීමට හෝ තුරුළු කර ගැනීමට ඉඩ නොදෙන්න.

සබන් හෝ විෂබීජ දියරයකින් නිතර දැන් සෝදවන්න.

කැස්ස හෝ කිඹුහුන් යාමේදී වැලමිට, ලේන්සුවක් හෝ ටිෂු එකක් භාවිතා කරන්න.

විෂබීජ නාශක වලින් දරුවන් නිතරම අල්ලන ස්ථාන සහ අනෙකුත් දේවල් පිරිසිදු කරන්න.

අනෙකුත් දරුවන් සමග දුරස්ථ ක්‍රමවේද මගින් සම්බන්ධ වීමට උදව් කරන්න.

දරුවන්ගේ ඇතිවිය හැකි මානසික අසමතුලිතතා අවම කර ගැනීම සඳහා ඔවුන් සමග විවිධ ක්‍රියාකාරකම් වල නිතරම නියැලෙන්න.

නිවසේ වසංගත රෝගියකු හෝ එම රෝග ලක්ෂණ සහිත පුද්ගලයෙක් සිටී නම් දරුවන් එම පුද්ගලයා ගෙන් ඈත් කර තබන්න.

පවුලේ කිසියම් අයෙක් නිවසින් පිටතට ගොස් ආපසු පැමිණි විගසම දරුවන් තුරුළු කර ගැනීමෙන් හෝ සිප ගැනීමෙන් වලකින්න.

දරුවන් තුළ වසංගත රෝගයට අදාළ යම් රෝග ලක්ෂණයක් මතු වුවහොත් ඉතා ඉක්මනින් වෛද්‍ය උපදෙස් සඳහා යොමු වන්න.

ඔබගේ දරුවාට වසංගත නොවන වෙනත් රෝගී තත්ත්වයක් ඇතිවුවද වෛද්‍ය උපදෙස් නොපමාව ලබා ගන්න.

Next Post

ගුවන් තොටේදීම බඩු උස්සන හැටි - වැඩියෙන්ම උස්සලා තියෙන්නේ ඇපල් ෆෝන්.බඩු ඔන් ලයින් ගෙන්වන්නේ ප්‍රවේශමෙන් - බඩු නැති වුනොත් කල යුතු දේ

Sun May 16 , 2021
අමිල එංගලන්තයේ වාසය කරන ශ‍්‍රී ලාංකික තරුණයෙකි. ඔහු මෙරට ජීවත්වන පෙම්වතිය සමඟ දිනක් මෙලෙස කතාබස් කළහ. බබා මේ කො_රෝනා නිසා මට ලබන මාසෙ එන්න වෙන්නේ නෑ.අනේ කොහොමහරි එන්න එක සෙලිබ්‍රේට් කරන්න.හරි බබා එක මම දන්නවා. ඒත් කරන්න දෙයක් නැහැනේ. අපි ඊළඟ පාර ඒක හොඳට සෙලිබ්‍රේට් කරමු. කමක් නෑ ඒත් මං […]

Breaking News