ඩුබායි හිදී කෝටි 64ක ලොතරැයි දිනුම හිමි වූ ශ්‍රී ලාංකික තරුණයා කියන කතාව

ඩුබායි හි පෞද්ගලික සමාගමක විකුණුම් වෘත්තිකයෙකු ලෙස සේවය කරන ශ්‍රී ලාංකික තරුණයෙකු වන 36 හැවිරිදි මොහොමඩ් මිෂ්ෆක් Abu Dhabi Big Ticket ලොතරැයි දිනුම් ඇදීමේ පළමු දිනුම වූ ඩිරාම් මිලියන 12ක මුදලක් ජයග්‍රහණය කිරීමට සමත්ව ඇති බව Gulf News පුවත් සේවය වාර්තා කර සිටී.

ඊයේ (03) දිනයේ දී මෙම දිනුම් ඇදීම සිදුකර ඇත.

මෙය ශ්‍රී ලංකා මුදලින් ආසන්න වශයෙන් රු. මිලියන 643 ක් හෙවත් රු. කෝටි 64 ක් පමණ වේ.

මේ වන විට නිවාඩුවක් සඳහා මිෂ්ෆක් ශ්‍රී ලංකාවට පැමිණ සිටින අතර ගල්ෆ් නිවුස් වෙත අදහස් දක්වමින් ඔහු පවසන්නේ මෙය තමන්ට අදහා ගත නොහැකි ලෙසයි.

මෙම ජයග්‍රාහී ටිකට්පත සඳහා 20 දෙනෙකු දායකත්වය ලබා දුන් බවත් ඒ අනුව තමන්ගේ පංගුව ඩිරාම් 600,000 ක් වන බවත් ඔහු මෙහිදී කියා ඇත.

තම පියා හට ශල්‍යකර්මයක් සිදුකළ යුතුව ඇති බැවින් මෙම මුදල් මේ අවස්ථාවේ දී ඉතා වටින බව ඔහු මෙහිදී වැඩිදුරටත් පවසා ඇත.

මොහොමඩ් මිෂ්ෆක් ගේ මාසික වැටුප ඩිරාම් 7,000 ක් පමණ වන අතර පසුගිය වසර 10 ක කාලයක් පුරාවට ඔහු ඩුබායි හි සේවය කර ඇත.

සිය මිතුරන් 20 දෙනා සමඟින් පසුගිය වසර 1 1/2 ක පමණ කාලයක සිට Big Ticket ලොතරැයි මිල දී ගැනීමට ඔහු පුරුදු වී තිබේ.

දිනාගත් මුදලින් වැඩි ප්‍රමාණයක් තම පවුලේ මූල්‍ය ගැටලු විසඳීමට සහ ශ්‍රී ලංකාවේ තම බිරිඳට සහ දරුවන් දෙදෙනාට නිවසක් ඉදිකිරීමට යොදවන බව ඔහු පැවසීය.

Next Post

තාත්තා ලංකාවේ අම්මා ඇමෙරිකාවේ හැමෝගෙම කතාබහට ලස්සන පවුලේ ජායාරූප

Tue May 4 , 2021
ඉගොඩක් අය විස්වාස කරන්න අකමැති වුනු විස්වාස කරන්න අමාරු කතාවක් තමයි අපි අද ඔයාලාට කියන්න යන්නේ. ඒ තමයි ලංකාවේ Jett Niranjan Selvaratnam පවුලේ ලස්සන කතාව ගැනයි. සුරංගනා ලෝකයෙන් ආ පුංචි පැටවූ හතර දෙනෙක් එකක් ලස්සනම ලස්සන තාත්තයි ඇමරිකාවේ කැලිෆෝනියා ප්‍රන්තේ අම්මේකුයි එකතු වෙලා තමයි මේ ලස්සන පවුල හැඩ කරන්නේ.මේ සුන්දර […]

Breaking News