සැමගේ දැන ගැනීම පිණිසයි! – පුෂ්පිකාගේ සැමියා මාධ්‍යට යැවු ලිපිය මෙන්න

විවාහක රූ රැජිණ ලෙස කිරුළු පැලදී පුෂ්පිකා ද සිල්වාගේ කිරුළ ගලවා දෙවැනි ස්ථානය දිනාගත් රුවත්තියගේ හිස පළදන්නේ අවසන් තරඟය නැරඹීමට පැමිණි සියල්ලන් මවිත කරමින්.මෙම සිදු වීම් මාලාව සම්බන්ධයෙන් සිය ෆේස්බුක් ගිණුමෙහි සටහනක් තබන පුෂ්පිකා ද සිල්වාගේ සැමියා වන තිලංක දාබරේරා සඳහන් කරන්නේ, තමා සහ පුෂ්පිකා අතර වසර 4ක පමණ කාලයක පටන් කිසිදු සම්බන්ධයක් නොමැති බැවින්, මේ පිළිබඳව තමන්ගෙන් නොවිමසන ලෙසටයි.

තම දරුවාගේ මව ලෙස ඇය පිළිගන්නා නමුත්, ඊට අමතරව ඇය සමඟ කිසිදු සම්බන්ධයක් නැති බවත් ඔහු එම සටහනේ සඳහන් කරනවා.එමෙන්ම, මේ වනවිට පුෂ්පිකාගෙන් නීත්‍යානුකූලව වෙන්වීම සඳහා කටයුතු කර ඇති බවත්, මේ වනවිට එම නීති ක්‍රියාමර්ගය අවසන් අදියරයේ පවතින බවත් ඔහු වැඩිදුරටත් සඳහන් කරනවා.

කෙසේ වෙතත් පුෂ්පිකාගේ සැමියා තිලංක දාබරේරා මහතා මේ තත්වය පිලිබදව මාධ්‍ය වනුවත් කිරීම සදහා ලිපියක් මේ වන විට යොමු කර ඇත. එම ලිපිය පහලින්

පුෂ්පිකාගේ සැමියා මාධ්‍යට යැවු ලිපිය

සැමගේ දැන ගැනීම පිණිසයි!

මා මෙය ලියනුයේ මාගේත් පුෂ්පිකා ද සිල්වා ගේත් සම්බන්ධය ගැන සහ විවාහ ජිවිතය ගැන තොරතුරැ දැන ගැනීමට මා ගෙන් විමසීම කළ පිරිසගේ දැන ගැනීම සඳහායි.මා මෙහිදී පැහැදිලිව කියා සිටිනුයේ ” මමත් පුෂ්පිකාත් පහුගිය වසර 4 පුරාවට පවුල් ජිවිතයක් ගත නොකරන අතර ගල්කිස්ස සිවිල් අධිකරණයේ අංක 721/19/D යටතේ දික්කසාද නඩුවක් ගොනු කර ඇති අතර එය අවසන් වීමට නියමිතයි……

ඇය මාස ගණනාව පුරාවට මෙය ප්‍රමාද කරමින් සිටින අතර ඈ පසුගිය මාස 4ක් පුරාවට උසාවියේ පෙනී සිටියේද නැත.මේ අවස්ථාවේදී පුෂ්පිකා ද සිල්වා ට මෙම දික්කසාද නඩුව ඉල්ලා අස්කර ගන්නට උවමනා තිබුනත් එයට මාගේ අවසරයකින් තොරව ලබාගත නොහැක.

මන්ද මා ද එයට ප්‍රතිවිරුද්ධ පැමිණිලි කර ඇති නිසාවෙනි. ඔබලාට තවදුරටත් මේ ගැන දැනගැනීමට අවශ්‍ය නම් සුදුසුකම් ඇති නීතිඥවරයකු ලවා විමසා බලන්න .පුෂ්පිකා ද සිල්වා විසින්මයි මේ දික්කසාද නඩුව ගොනුකර ඇත්තේ මීට අවුරුදු දෙකයි මාස තුනකට උඩදී. ඇය විසින් නුගේගොඩ මහේස්ත්‍රාත් අධිකරණයේ තවත් නඩු දෙකක් ගොනු කර ඇත,

මේ ගැන උනන්දුවක් දක්වන ඔබලා එයින් පිටපත් ලබාගෙන ඒ තොරතුරු දැන ගන්න. අවුරුදු හතරක් පුරාවට උසාවි ලැගපූ මටඇය සමඟ මෙය නිරාකරණය කර ගැනීමට කිසිම අදහසක් නැත.

සමාජ මාධ්‍ය මා හට වරද පටවමින් සිටිනුයේ මේ සත්‍ය නොදැනයි. ඔවුන් මෙහී ගැඹුරට ගොස් සත්‍ය දැන ගත යුතුයි.මා හට ” පුෂ්පිකා ද සිල්වා” ගේ නාමය කෙලෙසීමට කිසිම අදහසක් නැත. ඒ මන්ද ඇය මාගේ පුතාගේ මවයි. ඒ වගේම මාත් මෙහිදී අගතියට පත් පාර්ශවය කරුවෙකි .

අවුරුදු හතරකට උඩදී ඇය මා හැර නොගියා නම් අදටත් මා හොඳ සැමියෙකි.මේ දක්වා මා කොහේවත් සඳහන් කළේ නෑ ඇයි ඇය මා හැර ගියෙ කියා. මොනවද වූයේ පසුගිය අවුරුදු අතරට 4 පුරාවට සහ මා තරුණයි මෙන්ම මගේ රැකියා ජීවිතය පටන් ගනිමින් සිටියෙමී.

ඈ ඉල්ලා සිටි සුඛෝපභෝගී ජීවිතය මට ලබාදිය නොහැකි විය. ඇය මාධ්‍යයට ප්‍රකාශ කර ඇත්තේ මගේ දෙමව්පියන් අපගේ පවුල් ජීවිතයට ඇඟිලි ගැසීමෙන් කරදර කලා කියන බොරු කතායි. මට තවමත් මතකයි මගේ අම්මා ඇයගෙන් අය ද සිටියා දරුවාගේ නාමයෙන් වත් මා හැර නොවෙන ලෙස.

අද දක්වා මාගේ දරුවා වෙනුවෙන් මා කළ යුතුකම් ඉටු කර ඇති අතර මම ඉතා කැමතියි මගේ පුතා සමඟ නිතර කාලය ගත කරන්න ඈ මට අවසර ලබා දෙනවා ලබා දෙනවා නම්.2021 අප්‍රේල් 5 දින මා විසින් මාගේ මුහුනුපොත් ගිණුමේ සඳහන් කළ සටහන ඈ අගේ මුහුණු පොතේ සඳහන් කර ඇත්තේ එම ගිණුම ව්‍යාජ ගිණුමක් බවයි නමුත් එය මාගේම මුහුණු පොත් ගිණුම මෙනම එය සත්‍ය වන ගිණුමකී. මා එය පාවිච්චී කරනුයේ 2008 වසරේ සිටය ය.

මා විශ්වාස කරනවා මේ ලිපිය උපයෝගී කරගෙන මා ගැන අසත්‍ය තොරතුරු මාධ්‍ය හරහා ප්‍රචාරය වීම දැන්වත් නවතිවී කියා.

ස්තුතියි
(අත්සන් කලේ) W. තිලන්ක දිල්ෂාන් දාබරේරා

Next Post

ඉන්දියාවට පිහිනයි - යළි ලංකාවට පිහිනයි - එයාර්ෆෝස් රොෂාන්ගෙන් වාර්තාව

Sun Apr 11 , 2021
තලෙයිමන්නාරමේ සිට ඉන්දියාවේ ධනුෂ්කෝඩි දක්වා පිහිනා ගිය ශ්‍රී ලංකා ගුවන් හමුදාවේ පිහිනුම් ශූර නායක ගුවන් භට රොෂාන් අබේසුන්දර මහතා අද (අප්‍රේල් 11) නව ආසියානු වාර්තාවක් තබමින් සිය අභියෝගය අවසන් කර තිබේ. අප වාර්තාකරු සඳහන් කළේ, රොෂාන් අබේසුන්දර මහතා තලෙයිමන්නාරමේ සිට ඉන්දියාවේ ධනුෂ්කෝඩි දක්වා පිහිනා අද උදෑසන යළි ඌරුතොට ජැටිය දක්වා […]

Breaking News