ලෝක ප්‍රකට ජායාරූපයේ බැරක් ඔබාමා සමඟ සිටි කෙන්යාවේ මිත්තනිය මොලොව හැර යයි

ඇමෙරිකාවේ හිටපු ජනපති බරැක් ඔබාමාගේ මිත්තණියක වන කෙන්යාවේ පදිංචි වී සිටි සාරා ඔබාමා අභාවප්‍රාප්ත වී තිබේ.

විදෙස් මාධ්‍ය වාර්තා කළේ, 99 හැවිරිදි වියේ පසුවූ ඇය රෝහලකදී මියගොස් ඇති බවය.

බරැක් ඔබාමා විසින් ඇය අමතනු ලැබුවේ, ග්‍රැනී සාරා යන නමිනි. 2008 වසරේ ජනාධිපතිවරණ ප්‍රචාරක ව්‍යාපාරය අතරතුර බරැක් ඔබාමා ඇමෙරිකාවේ උපත නොලැබූ මු.ස්ලිම් ජාතිකයෙකු බවට චෝදනා එල්ල වෙද්දී ඔබාමා වෙනුවෙන් සාරා ඔබාමා පෙනී සිටියාය.

පසුව බරැක් ඔබාමා ඇමෙරිකාවේ පළමු කළු ජාතික ජනාධිපතිවරයා ලෙස ඡන්දයෙන් තේරී පත් වීමෙන් පසු සාරාගේ නිවස සංචාරක ආකර්ෂණය දිනාගත් ස්ථානයක් බවට පත් විය.

බරැක් ඔබාමාගේ සීයාගේ තුන් වන සහ ලාබාලතම බිරිඳ වූයේ සාරා ඔබාමාය.

ඇය අද පෙරවරුවේ කෙන්යාවේ කිසුමු නගරයේ රෝහලකදී මියගොස් තිබිණි.

ඇයගේ පවුලේ ප්‍රකාශකයෙකු සඳහන් කළේ, සාරා ඔබාමා සතියක පමණ කාලයක් රෝගී තත්ත්වයෙන් පසුවූ අතර ඇයට කොරෝනාවෛරසය ආසාදනය වී නොතිබූ බවය.

Next Post

මහමඟ සිද්ධියේ සුළමුල හෙළිවෙයි - බුකියේ පල වූ රස කතාවලත් අඩුවක් නෑ

Mon Mar 29 , 2021
පොලිස් නිලධාරියෙකු සිවිල් වැසියෙකුට අ- මානුෂික ලෙස පහ_ර දෙන ආකාරය දැක්වෙන වීඩියෝවක් සමාජ මාධ්‍ය ඔස්සේ සංසරණය වෙමින් පවතී. මේ සම්බන්ධයෙන් පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැහැදිලි කිරීමක් කළේය.අද උදෑසන පන්නිපිටිය මංසන්ධියේදී මෙම සිද්ධිය වාර්තා වී තිබේ. පොලිස් මාධ්‍ය ප්‍රකාශකවරයා පවසන පරිදි පොලිස් නිලධාරියාගෙන් පහ_ර කනු ලබන්නේ, ලොරි […]

Breaking News