විදේශ ගත ශ්‍රී ලාංකිකයින්ට සුබ ආරංචියක් – නිරෝධායනයට මුදල් නොමැති අයට ලැබෙන සහන මෙන්න

විදෙස්ගත ශ්‍රමිකයන් විදේශ සේවා නියුක්ති කාර්යාංශයේ වියදමින් මෙරටට ගෙන්වීමට සහ නිරෝධායනය කිරීමට අවශ්‍ය කටයුතු සැලසුම් කර ඇතැයි කම්කරු අමාත්‍ය නිමල් සිරිපාල ද සිල්වා මහතා පවසයි.

විදේශ සේවා නියුක්ති කාර්යාංශයේ ලියාපදිංචි වී විදෙස් රැකියා සඳහා ගොස් නියමිත කාලය අවසන් කර ශ්‍රී ලංකාවට පැමිණීමට අපේක්ෂාවෙන් සිටින ශ්‍රමිකයන්ට මෙහිදී ප්‍රමුඛත්වය ලබා දෙන බව ද අමාත්‍යවරයා ප්‍රකාශ කළේය.

ඒ අනුව, සෑම දිස්ත්‍රික්කයක ම හෝටලයක් හෝ නේවාසික පහසුකම් ඇති ස්ථානයක් කුලියට ගෙන නිරෝධායන මධ්‍යස්ථානයක් බැගින් පිහිටුවීමට කටයුතු යොදා ඇති අතර එහි පළමු පියවර ලෙස නිරෝධායන මධ්‍යස්ථාන 8ක් සති 2ක් ඇතුළත ආරම්භ කරන බව ද අමාත්‍යවරයා පැවසීය.

එලෙස නව නිරෝධායන මධ්‍යස්ථාන සඳහා තෝරාගනු ලැබූ ගොඩනැගිලි ලැයිස්තුව කො.විඩ්පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද්ධ හමුදාපති ශවේන්ද්‍ර සිල්වා මහතා වෙත මේ වන විට යොමු කර ඇති බව ද අමාත්‍යවරයා ප්‍රකාශ කළේය.

Next Post

සුව වුණු සජිත ආයෙත් වැඩ පටන් අරන් - සරාගේ අලුත් වෙනසක් - ජායාරූප 15ක් මෙන්න

Wed Mar 17 , 2021
රංගනයෙන්, ගායනයෙන්, නිවේදනයෙන් සහ අධ්‍යක්ෂණයෙන් කලාවට දායක වෙන ඔහු ටෙලි සටන ඇරැඹුවේ ‘බොහිමියානුවෝ’ හි රස්තියාදුකාර පෙම්වතාගේ චරිතය තුළින්. මේ අපූරු තරුණයා අද ‘නාඩගම්කාරයෝ’ හි සරා වෙලා. ඒ නිසාම සරා නමැති නහරකාරයා දැන් කා අතරත් සුවිශේෂි චරියක්. පසුගිය දිනවල කො.විඩ් රෝගය වැළදී නිවාස අඩස්සියේ සිටි සජිත අනුත්තර නැවතත් වැඩ අරඹලා කියන […]