බස්නාහිර රෝහල් 6කයි – යුධ හමුදා රෝහලෙයි පලමු එන්නත් ලබා දුන්නෙ මෙහෙමයි – ජායාරූප

මෙරට කොවිඩ් 19 එන්නත්කරණ වැඩසටහන අද පෙරවරුවේ ආරම්භ කෙරුණා. එහි ප්‍රධාන උත්සවය පැවැත්වුණේ ජාතික බෝවන රෝග විද්‍යායතනය හෙවත් අයි ඩී එච් රෝහලේදීයි. එහිදී සෞඛ්‍ය කාර්ය මණ්ඩලවලට කොවිඩ් මර්දන එන්නත් ලබාදීම ආරම්භ කරමින් පළමු එන්නත ලබාදුන්නේ විශේෂඥ වෛද්‍ය ආනන්ද විජේවික්‍රමටයි. 

එම අවස්ථාවට ශ්‍රී ලංකාවේ ඉන්දීය මහකොමසාරිස් ගෝපාල් බග්ලේ, ජනාධිපති ජ්‍යෙෂ්ඨ උපදේශක ලලිත් වීරගුංග, රාජ්‍ය අමාත්‍ය සුදර්ශිනී ප්‍රනාන්දුපුල්ලේ ඇතුළු පිරිසක් එම අවස්ථාවට එක්ව සිටියා.

මේ අතර, කොළඹ යුද හමුදා රෝහලේදී ද කොවිඩ් මර්දන එන්නත්කරණ වැඩසටහනක් අද උදෑසන ආරම්භ කෙරුණා. කොවිඩ් මර්දන කටයුතු සඳහා දායකත්වය ලබාදෙන ඉදිරිපෙළ යුද හමුදා නිලධාරීන් තිදෙනෙකුට එහිදී පළමුව එන්නත් ලබාදීම සිදු කෙරුණා.

යුද හමුදා නිවාරණ වෛද්‍ය නියෝජ්‍ය අධ්‍යක්ෂ කර්නල් වෛද්‍ය සවීන් සේමගේ, ගුවන් තොටුපළ කොවිඩ් මර්දන කටයුතු භාරව කටයුතු කරන බ්‍රිගේඩියර් ලාල් විජේතුංග සහ පූනානි නිරෝධායන මධ්‍යස්ථානයේ පළමු වෛද්‍ය නිලධාරියා වන කපිතාන් වෛද්‍ය පසිඳු පෙරේරාට එලෙස පළමුව කොවිඩ් මර්දන එන්නත ලබාදී තිබෙනවා.  

ඉන්දීය රජය මගින් ඔක්ස්ෆර්ඩ් ඇස්ට්‍රාසෙනෙකා කොවිෂීල්ඩ් එන්නත් මාත්‍රා ලක්ෂ 05 ක් මෙරටට පරිත්‍යාග කළේ ඊයේ දිනයේදීයි. එම එන්නත් කොරෝනා මර්දන වැඩසටහනේ ඉදිරිපෙළ ක්‍රියා කරන සෞඛ්‍ය කාර්ය මණ්ඩලවල සාමාජිකයින් එක්ලක්ෂ 50,000 කට සහ එක්ලක්ෂ 20,000 ක් පමණ වන ත්‍රිවිධ හමුදාව සහ පොලිසිය ඇතුළු ආරක්ෂක අංශ නිලධාරීන් වෙත පළමුව ලබාදීමට නියමිතයි. බස්නාහිර පළාතේ ප්‍රධාන රෝහල් 06 කදී සෞඛ්‍ය කාර්ය මණ්ඩල සඳහා එන්නත් ලබාදීම අද සිදු කෙරෙනවා. 


















Next Post

අංක එකේ පී.සි.ආර් යන්ත්‍රය ගුවන්තොටේ එකතැන - දිනකට පරීක්ෂණ 4,500ක් පැය එකහමාරක පමණ කෙටි කාලයකින් වාර්තාව

Fri Jan 29 , 2021
මෙරට ජාත්‍යන්තර ගුවන්තොටුපොළ තුළ පී.සි.ආර් පරීක්ෂණ සඳහා රසායනාගාරයක් ස්ථාපිත කිරීමේ මූලික අරමුණට සම්පූර්ණයෙන්ම පටහැනි වන අයුරින් සෞඛ්‍ය අමාත්‍යාංශය කටයුතු කරමින් සිටින බවට වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමයේ සභාපති රවි කුමුදේශ් කියයි. ගුවන්තොටුපොළ පී.සි.ආර් රසායනාගාරය වැසී යන්නට සලස්වා සෞඛ්‍ය අමාත්‍යාංශය විසින් ගජ මිතුරන්ගේ ආදායම තර කරමින් සිටින බවටද හෙතෙම කියයි.  […]

Breaking News