මාස්ක් මිලදී ගද්දි කල්පනාකාරී වෙන්න – සෞඛ්‍ය වෛද්‍ය නිලධාරීට හසූ වූ කූට ව්‍යාපාරයක් මෙන්න

නැවත භාවිත කළ නොහැකි මුඛ ආවරණ 3128ක ප්‍රමාණයක් මෙලෙස සොයාගෙන ඇත. මැද කොළඹ සෞඛ්‍ය වෛද්‍ය නිලධාරී කාර්යාලයට ලැබුන පැමිණිල්ලක් මත මෙම වැටලීම සිදුකර තිබේ. ඒ සියල්ලම මුද්‍රා තබා තිබෙන බව පැවසේ.

ඊයේ දින (10) දහවල් කොළඹ, කොටුව හතරවන හරස් වීදියේ, ගොඩනැගිල්ලක එම මුඛ ආවරණ වේලීම සඳහා තබා තිබිය දී මෙලෙස සොයා ගෙන තිබේ.

කොටුව, මහජන සෞඛ්‍ය පරීක්ෂක එම්.බී.ලාල් කුමාර මහත පවසා සිටියේ,පොලීසිය සමග අදාළ ස්ථානය වෙත යන විට නිල් පැහැති හා සුදු පැහැති මුඛ ආවරණ හා KN 95 වර්ගයේ මුව ආවරණ විශාල ප්‍රමාණයක් මෙලෙස වේලීමට තබා තිබුන බවයි.

පසුව කරන ලද ප්‍රශ්න කිරීම් වලදී එහි හිමි කරුවන් පවසා ඇත්තේ වැස්සට තෙමී ගොස් ඇති බවින් අදාල මුඛ ආවරණ තොගය වියලීම සිදුකරණ බවයි.

මේ නිසා අදාල මුඛ ආවරණ තොගය හිමිකරුවන් සමග ම සෞඛ්‍ය නිලධාරී කාර්යාලයට රැගෙනවිත් මුඛ ආවරණ තොගය මුද්‍රා තබා ඇත.

එහි හිමිකරුවන් සහ මුඛ ආවරණ මාලිකාන්ද මහෙස්ත්‍රාත් අධිකරණය වෙත ඉදිරිපත් කර ඉදිරි නීතිමය ක්‍රියාමාර්ග ගැනීමට නියමිතයි.

Next Post

රජය වාහන දුම් පරීක්ෂාව නවතයි - ඒ වෙනුවට හදුන්වා දෙන සහතිකය මෙන්න

Fri Sep 11 , 2020
වාහන දුම් පරීක්ෂාව  වෙනුවට නව යෝග්‍යතා පරීක්ෂාවක් හදුන්වාදීමට කටයුතු කරන බව  වාහන නියාමනය, බස් රථ ප්‍රවාහන සේවා සහ දුම්රිය මැදිරි හා මෝටර් රථ කර්මාන්ත රාජ්‍ය අමාත්‍ය දිලුම් අමුණුගම මහතා පැවසීය. දුම් පරීක්ෂාවට අමතරව, තිරිංග පද්ධතිය, විදුලි පද්ධතිය, ටයර් ආදී වාහනයේ සියලුම උපාංග පිළිබඳ පරීක්ෂාවක් සිදුකර වාර්තාවක් නිකුත් කිරීමට පියවර ගන්නා […]