රජයේ මුළු ණය ප්‍රමාණය මේ වසරේ (2020) මුල් මාස හය අවසානයේදී රුපියල් ට්‍රිලියනයකට අධික ප්‍රමාණයකින් ඉහළ ගොස් තිබේ.ශ්‍රී ලංකා මහ බැංකුව විසින් ප්‍රකාශයට පත් කරන ලද සතිපතා ආර්ථික දර්ශක වාර්තාවෙහි මේ බව සඳහන් වේ.
2019 වසර අවසානයේදී රු. බිලියන 13,031.5 ක්ව පැවති රජයේ සමස්ත ණය ප්‍රමාණය 2020 ජූනි මස අවසානය වන විට රු. බිලියන 14052.2 ක් දක්වා රු. බිලියන 1020.7 කින් වැඩි වී තිබේ.රජයේ සමස්ත ණය ප්‍රමාණය 2020 අප්‍රේල් මාසයේ දී ඉතිහාසයේ ප්‍රථම වරට රු. බිලියන 14000 සීමාව ඉක්මවා ගියේය. මෙම මුළු ණය ප්‍රමාණය 2020 මැයි මාසය අවසාන වන විට රු. බිලියන 13895.9 ක් දක්වා අඩු වී තිබුණි. එහෙත් එම අගය නැවත වරක් රු. බිලියන 14052.2 ක් දක්වා ඉකුත් ජූනි මාසය අවසාන වන විට වර්ධනය වී ඇත.
මේ අනුව රජයේ සමස්ත දේශීය ණය ප්‍රමාණය 2020 මුල් මාස හය තුළ දී රු. බිලියන 6629.1 සිට රු. බිලියන 7530.8 ක් දක්වා සහ සමස්ත විදේශීය ණය ප්‍රමාණය රු. බිලියන 6402.4 සිට රු. බිලියන 6521.4 ක් දක්වා ඉහළ ගොස් තිබෙන බවද මහා බැංකුවේ නවතම වාර්තාවේ තවදුරටත් සදහන් වේ.ශ්‍යාම් නුවන් ගනේවත්ත – දිවයින
Next Post
නාවික හමුදාව මහ සයුරේ සටනක - ගිනිගත් තෙල් නැවෙන් අපිටත් බලපෑමක්?
Thu Sep 3 , 2020
සන්ගමන්කන්ද තුඩුවේ සිට නාවික සැතපුම් 38ක් දුරින් වූ නැගෙනහිර මුහුදේ යාත්‍රා කරමින් තිබූ තෙල් නෞකාවක ගින්නක් හටගෙන තිබේ. ශ්‍රී ලංකා ගුවන් හමුදා මාධ්‍ය ප්‍රකාශකවරයා සඳහන් කළේ, ගින්න හටගත් MT New Diamond නෞකාවේ කාර්ය මණ්ඩලය මුදාගැනීමේ මෙහෙයුමක් නාවික හමුදාව, ගුවන් හමුදාවේ සහය ද ඇතිව දියත් කර ඇති බවය. ඒ අනුව නාවික […]
