අවාසනාවට විග්නේෂ්වරන් මහත්තයා ඔයා ගොඩක් වයසයි – සිංහල ජාතිය අවතක්සේරුවට ලක් කල කතාවට පිලිතුරු

ජාති අතර අසමගිය ඇවිස්සීමට උත්සහ කිරීම ගරු පාර්ලිමේන්තුවේ ගෞරවය කෙළෙසීමක් ලෙස සලකන බව සී. වී. විග්නේෂ්වරන් පාර්ලිමේන්තු මන්ත්‍රීවරයා කළ ප්‍රකාශය පිළිබඳව අදහස් දක්වමින් පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා පවසයි.

ඒ මහතා මේ බව ප්‍රකාශ කර සිටියේ අතුරු සම්මත ගිණුමේ විවාදයේ දෙවන දිනය වන අද (28) දිනයේ පාර්ලිමේන්තුව අමතමිනි.

“එතුමා කියනවා මේ රටේ පරණම භාෂාව කතා කරන්නේ ද්‍රවිඩ ජනතාවය කියලා. එතකොට එතුමා නොකියා කියන්නේ සිංහල ජනතාව පස්සේ මේ රටට ආපු ජනතාවක් කියලා. මම එතුමට මතක් කරදෙන්න කැමතියි මේ රටේ සිංහල ජනතාව අවතක්සේරු කරලා සිංහලයට සිංහලයට මේරටේ තියෙන තැන නැති කරන්න හදන කිසි කෙනෙකුට මේ රටේ පැවැත්මක් නෑ කියන එක. විග්නේෂ්වරන් මන්ත්‍රීතුමනි, ඔබ මතක තියා ගන්න, අතීතයෙත් මිනිස්සු හිටියා මේ රටේ සිංහල ජනතාවට ඇති තැන හෑල්ලුවට ලක්කරන්න උත්සහ ගත්ත. අපිට මතකයි අමිර්තලිංගම් වැනි පාර්ලිමේන්තු මන්ත්‍රීවරුන්ට අවසානයේදී අත් වෙච්ච ඉරණම. ප්‍රභාකරනුත් හිතුවා එයාට පුළුවන් කියලා මේ රට කඩන්න. එයාට වෙච්ච දේත් අන්තිමේදි දැක්කා. අවාසනාවට විග්නේෂ්වරන් මහත්තයා ගොඩක් වයසයි. ඒ නිසා එයාට ප්‍රභාකරන් කෙනෙක් වෙන්න විදිහක් නෑ. ඒ නිසා විග්නේෂ්වරන් මැතිතුමණි, ඔබට ලැබිලා තියෙන දේ ගැන සතුටු වෙන්න. සිංහල ජාතිය පහත් කරන්න උත්සහ කරන්න එපා. ඔබ එසේ කිරීමට උත්සහ කරොත් ඔබට ඉතාමත් කණගාටුදායක ඉරණමකට මුහුණ දීමට සිදු වෙයි. ” යැයි ඒ මහතා ප්‍රකාශ කරන ලදි.

ජාත්‍යාන්තර ඉතිහාසඥයින්ගෙන් යුත් කමිටුවක් පත් කර, ශී‍්‍ර ලංකා ඉතිහාසය පිළිබද සොයා බැලීමක් කරන ලෙස ඉල්ලා සිටින බව දෙමළ ජාතික ජනතා සන්ධානයේ නායක සී වී විග්නේෂ්වරන් අද පාර්ලිමේන්තුවේදී ප‍්‍රකාශ කළා.

එම කමිටුවට සිංහල, දෙමළ, මුස්ලිම් සියළු නියෝජිතයින් ඇතුළත් විය යුතු බවයි සී වී විග්නේෂ්වරන් එහිදී කියා සිටියේ. නව කතානායකවරයා තේරී පත්වූ අවස්ථාවේ තමන් සිදු කළ ප‍්‍රකාශය ඓතිහාසික කරුණු අධ්‍යයනය කිරීමෙන් පසුව සිදු කළ බව ද සී වී විග්නේෂ්වරන් එහිදී කියා සිටියා

Next Post

කොන්ක්‍රීට් ළිං වළල්ලක් සමඟ සෙල්ලම් කිරීමට ගිය වයස අවුරුදු 07ක පාසල් දැරිය

Fri Aug 28 , 2020
කොන්ක්‍රීට් ළිං වළල්ලක් සමඟ සෙල්ලම් කිරීමට ගිය වයස අවුරුදු 07ක පාසල් දැරියක් මිය ගොස් ඇති බව වේයන්ගොඩ පොලිසිය පවසයි. වළල්ල තල්ලු වී මෙසේ මිය ගොස් ඇත්තේ වේයන්ගොඩ මැදගම්පිටිය ප්‍රදේශයේ නිවෙසක පදිංචිව සිටි යටගම කනිෂ්ඨ විද්‍යාලයේ 2 ශේ්‍රණියේ ඉගෙනුම ලබමින් සිටි නෙතුමි දෙව්සරණි නමැති වයස අවුරුදු 07ක දැරිවියකි. පෙරේදා (26දා) පස්වරු […]