පුරාවස්තු ඩෝසර් කලේ අට පාස් කනත්තෙ මුරකාරයා – ගෝඨාභය ජනපති කලේ මේවාට ඉඩ දෙන්න නෙමේ – දයාසිරි

කුරුණෑගල නගරයේ පිහිටි ඓතිහාසික බුවනෙකබාහු රාජසභා මණ්ඩපය කඩා දමා ඇත්තේ ඉගෙන ගත්තු අයෙකු නොව 8 පාස් රස්තියාදුකාරයෙක් බව හිටපු අමාත්‍ය ශ්‍රී ලංකා පොදුජන පෙරමුණේ අපේක්ෂක දයාසිරි ජයසේකර මහතා පවසයි.

අට පාස් අය ඉහළ පුටුවලට ගියානම් සිදුවන දේ මෙය බවද ඔහු සඳහන් කළේය.

පෘතුගීසි ලන්දේසි හෝ ඉංග්‍රීසි පවා විනාශ නොකළ මෙම රාජ සභා මණ්ඩපය කුරුණෑගල නගරාධිපති විසින් ඩෝසර කර වනසා දැමූ බවද ඔහු පැවසීය.

මේ විනාස කරන්නේ අපේ උරුමය බවත් මේවා දකින විට පපුව පත්තු වන බවත් ඔහු කුරුණාගල ජනහමුවක් අමතමින් කියා සිටියේය.

මේ සම්බන්ධයෙන් කමිටු පත්කර වැඩක් නැති බවත් වරද කරුවන් අල්ලා හිරේ දැමිය යුතු බවත් ඔහු කීය.

ගෝඨාභය රාජපක්ෂ මහතා ජනාධිපති ලෙස පත් කර මෙවන් දේ බලාපොරොත්තු නොවූ බවත් ජනාධිපති තුමන් ඉදිරියේදී මේ ගැන නිවැරදි තීන්දුව ගනු ඇති බවත් ඔහු තව දුරටත් කියා සිටියේය.

Next Post

වසර 1700 ඉපැරණි බුද්ධ පිළිමයක් විනාශ කරයි - සමාජ ජාලා නිසා බලධාරීන්ගේ ඇස් ඇරෙයි

Mon Jul 20 , 2020
පාකිස්තානයේ වයඹදිග කයිබර්-පක්තුන්ක්වා පළාතේ, මර්දාන් දිස්ත්‍රික්කයේ තඛට් භායිහි ඉදිකිරීම් කම්කරුවන් විසින් කැබලිවලට කඩා දැමූ බුදු පිළිමය ගාන්ධාර ශිෂ්ටාචාරයට අයත් වසර 1700ක් පමණ පැරණි බුදු පිළිමයක් බවත් පාකිස්තාන පුරා විද්‍යා දෙපාර්තමේන්තුව සඳහන් කර තිබේ. පාකිස්තානය කයිබර්-පක්තුන්ක්වා පළාතේ කෘෂිකාර්මික ගොවිපලක කැණීමකදී මෙම පිළිමය හමුවී ඇති අතර එය විනාශ කිරීම සම්බන්ධයෙන් පුද්ගලයන් 4 දෙනෙකු […]