රිලව් උසාවියට පනියි අධිකරණ වැඩට බාධා – රෝහලට කඩා පැන රුපියල් 65000 කට වැඩේ දෙයි

අයාලේ යන රිලව් රංචුවක් නිසා මේ දිනවල වවුනියාවේ අධිකරණ සහ රෝහල් කටයුතු පවත්වා ගෙන යෑමේදී විශාල බාධාවක් උද්ගතව ඇති අතර දිසාපති කාර්යාලය හා තැපැල් කාර්යාලයටද, නගර සභාවටද එම රිළවුන්ගේ කරදරය බලපා තිබේ.

වවුනියාවේ අධිකරණ සංකීර්ණයට රිළා රංචුව පැමිණි අවස්ථා දෙකකදී ඔවුන්ව පළවා හැරීමට එහි සේවකයන්ට රතිඤ්ඤා දැල්වීමට සිදුවීම නිසා අධිකරණ කටයුතු විනාඩි විස්ස බැගින් නතර කිරීමට සිදුව තිබේ.

වවුනියාව මහ රෝහලට කඩාවදින එම රිළා රංචුව රෝගීන්ගේ ආහාරපාන, බිස්කට් හා පලතුරු රැුගෙන යෑමත්, රෝහලේ වහලය මතට වී අධික වේගයෙන් දිවීමට පටන් ගන්නා නිසා රෝහල් සේවකයන්ටද රිළවුන් පලවා හැරීම සඳහා රතිඤ්ඤා දැමීමට සිදුව තිබේ.

මේ රිළා රංචුවේ එක් රිළවකු වවුනියාව මහ රෝහලේ හෙදියක් සතු රුපියල් 65000 ක් පමණ වටිනා ජංගම දුරකතනයක් රැගෙන ගොස් ගසක් මතට වී එය සමග සෙල්ලම් කිරීමට පටන් ගැනීමෙන් පසුව රෝහලේ ආරක්ෂක නිලධාරීන් හා ජනතාව එකතුවී මහත් පරිශ‍්‍රමයක් දරා එය ආපසු රිළවාගෙන් ලබාගෙන තිබේ.වනජීවී නිලධාරීන් ප‍්‍රකාශ කරන්නේ මේ රිළා රංචුව අවස්ථා කීපයකදී අල්ලා මන්නාරමේ කැලයට නිදහස් කළ නමුත් සතියකට පමණ පසුව ඔවුන් සියලූ දෙනාම යළිත් වවුනියාවට පැමිණි බවයි.

Next Post

ඉදිරි දින කිහිපය ඉතා තීරණාත්මකයි - හමුදාපති

Wed Jul 15 , 2020
ඉදිරි දින කිහිපය ඉතා තීරණාත්මක බැවින් සෞඛ්‍ය උපදෙස් නිසි පරිදි පිළිපදින ලෙස යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා ජනතාවගෙන් ඉල්ලා සිටිනවා.(වීඩියෝව පහතින්) මේ වන විට උද්ගතව ඇති තත්ත්වය මත නිවාඩු දින ප්‍රකාශයට පත් කිරීමට සහ ඇඳිරි නීතිය පැනවීමට කිසිදු තීරණයක් ගෙන නොමැති බව රජයේ ප්‍රවෘත්ති දෙපාර්තමේන්තුව පවසයි. එබැවින්, අසත්‍ය […]

Breaking News