මීලග අගමැති පොලොන්නරුවෙන් – පෝස්ටර් හැමතැනම

ආණ්ඩු බලය ලබාගත් විට ශ්‍රිලනිපයට ඇමතිධූර ලබා දෙන බවට කිසිදු එකඟතාවයක් නැතැයි කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා පවසයි.

තම පක්ෂය ගිවිසුමකට එළඹ ඇත්තේ ශ්‍රිලනිපය සමග මිස එහි සභාපති මෛත්‍රීපාල සිරිසේන මහතා සමග නොවන බව ද රණතුංග මහතා වැඩිදුරටත් පෙන්වා දෙයි.

මෛත්‍රීපාල සිරිසේන මහතා සමග සිටින කණ්ඩායම ඉදිරි මහ මැතිවරණයෙන් පසු කුමනාකාරයෙන් කටයුතු කරාවිදැ‘යි සැලකිලිමත් විය යුතු බවත් මෛත්‍රීපාල සිරිසේන ජනාධිපතිවරයා ශත පහකටවත් විශ්වාස කළ නොහැකි බවත් පෙන්වා දෙන ඇමති ප්‍රසන්න රණතුංග මහතා මහින්ද හැර යන කිසිවෙකු පාර්ලිමේන්තුවට නොඑන තරමට රට සුරක්ෂිත බව අවධාරණය කරයි.

ශ්‍රී ලංකා පොදුජන පෙරමුණෙන් දොම්පෙ ආසන බල මණ්ඩලයට රැස්විමකට එක්වෙමින් ඇමතිවරයා මේ බව සදහන් කළේය. මෙහිදී වැඩිදුරටත් අදහස් දැක් වූ ඇමති ප්‍රසන්න රණතුංග මහතා ,

ජනාධිපතිවරණය වෙලාවේ දී එක තැනක දී කථා වුණා මෛත්‍රීපාලව ජනාධිපති අපේක්ෂකයා කරන්න. මහින්ද මහත්තයාට ජනාධිපතිවරණයට ඉල්ලන්න බැරි නිසා මෛත්‍රීව ජනාධිපතිවරණයට දාලා මහින්ද මහත්තයාව පූර්ණ බලතල සහිත අගමැති කරන්නයැයි උකුස්සෝ ටික යෝජනා කළේ. හැබැයි මම එතන දී කිව්වා මෛත්‍රීපාලව ශතපහකට විශ්වාස කරන්න බෑ කියලා. මම ඒකට එකඟ වුණේ නෑ.

මේක මම විහිලුවට නෙමෙයි කියන්නේ. ආප්පයක් කාලා කරඩුව ඔළුවේ තියන් ගිහිල්ලා කරඩුව පූජා කරලා පහුවදා ගිහින් මහින්ද මහත්තයාගේ පිටට පිහියෙන් ඇන්නා. ඒකයි අපි කිව්වේ පොහොට්ටුවෙන් මිසක් ජනාධිපතිවරණය තරග කරන්න බෑ කියලා. දැන් මෛත්‍රීගේ මිනිස්සු ටිකක් ලංකාව පුරා තරග කරනවා.

බැරිවෙලාවත් මේ අය පාර්ලිමේන්තුවට ආවොත් මොන මොන විදිහේ බලපෑම් කරයි ද දන්නේ නෑ. ඇමතිකම් ඉල්ලයි. සමහරවිට අගමැතිකමත් ඉල්ලයි. අපි ශ්‍රීලනිපයත් සමග ඇති කරගත් ගිවිසුමේ කොහෙවත් ඒ අයට ඇමතිකම් දෙන්න එකඟතාවයක් නෑ.

ඒත් ඒ අය අපට කොන්දේසි දාන්න ඉඩ තියෙනවා. ඒ නිසයි අපි කියන්නේ මෛත්‍රීට ගෑවුණු කාටවත් ඡන්දය දෙන්න එපා කියලා. මොකද ඒ තරමට මෛත්‍රී අපිට අවිශ්වාසයි. ශ්‍රී ලංකා නිදහස් පක්ෂයත් එක්ක නෙමෙයි අපිට ප්‍රශ්නෙ තියෙන්නේ. අපිට ප්‍රශ්නෙ තියෙන්නේ මෛත්‍රීත් එක්කයි.

ගෝඨාභය රාජපක්ෂ මහතාගේ ජනතාවාදී ගමන එතනින් නතර කරන්න තමයි විපක්ෂය මේ දගලන්නේ. රට නැවත ගොඩගන්න නම් ස්ථාවර ආණ්ඩුවක් බිහි විය යුතුයි. යහපාලන ආණ්ඩුව කාලයේ සිද්ධ වුණේ ජනපති හා අගමැති රට දෙපැත්තට අදින එකයි. මේ තත්ත්වය නැවත ඇතිවෙන්න ඉඩ නොදිය යුතුයි.ඒ සදහා අප ස්ථාවර ආණ්ඩුවක් බලයට පත් කළ ගත යුතුයි.

මීළඟ අගමැතිවරයා පොළොන්නරුවෙන් යයි සඳහන් ‍ප‍්‍රචාරක පෝස්ටරයක් පොළොන්නරුව දිස්ත්‍රික්කයේ තැන තැන දක්නට ඇති බව එහි වාර්තාකරුවන් කියති.නමුත් ඒ කවුදැයි කියා හෝ ප‍්‍රචාරක පත‍්‍රිකා කාගේද කියා හෝ සදහන් නොවෙයි.හිටපු ජනාධිපති මෛත‍්‍රීපාල සිරිසේන මහතා තරග කරන්නේද පොලොන්නරුව දිස්ත‍්‍රික්කයෙනි.

Next Post

ලබන 14 විවාහය - කලින් ලස්සන ෆෝටෝ ගන්න ගියා - සේර ඇල්ලේ දියවලකට

Mon Jun 29 , 2020
සිය විවාහයට පෙර ඡායාරූප ගැනීමට ගිය පෙම්වතුන් යුවළක් මාතලේ “සේර ඇල්ලේ“ දියවලකට ඇද වැටීමෙන් පසු තරුණයා මියගොස් තිබේ.නකල්ස් කඳු වැටියේ අසිරිය දෙගුණ කරන “සේර ඇල්ල” දෙස් විදෙස් සංචාරක ආකර්ෂණය දැඩිව හිමිකරගත් ස්ථානයකි. එහි සුන්දරත්වය නිසාම මංගල ඡායාරූප ශිල්පීන් මෙම ස්ථානය නිරන්තරයෙන් තෝරාගනී.කුරණෑගල පන්සිළුගම පදිංචි ශිරන්ත සංජය සහ දිල්මි මධූෂිකා ඊයේ […]

Breaking News